Унда Ўзбекистон-Германия муносабатларини янада ривожлантиришнинг долзарб масалалари муҳокама этилди.
Олий ва юқори даражадаги сиёсий мулоқот ижобий суръатларда ривожланаётгани мамнуният билан қайд этилди.
Томонлар икки ва кўп томонлама шаклларда режалаштирилган тадбирларнинг ташкилий ва мазмунли жиҳатлари юзасидан фикр алмашдилар.
Ўзбекистон ва Германия савдо-иқтисодий ҳамкорликни кенгайтириш, жумладан, мамлакатлар ўртасидаги товар айирбошлаш ҳажмини диверсификация қилиш ва қўшма корхоналар сонини кўпайтиришдан манфаатдор экани таъкидланди.
Маданият, таълим ва фан соҳаларида Ўзбекистон-Германия ҳамкорлигини кенгайтириш имкониятларига алоҳида эътибор қаратилди, деб хабар беради Ташқи ишлар вазирлиги матбуот хизмати.
