Транспорт вазири Илҳом Маҳкамов Қирғиз Республикасининг Ўзбекистондаги Фавқулодда ва Мухтор элчиси Дуйшонкул Чотонов билан учрашди.
Учрашувда мамлакатларимиз ўртасида савдо-иқтисодий муносабатларни ривожлантиришда муҳим аҳамиятга эга бўлган автомобиль ҳамда темир йўл транспорти соҳасидаги ҳамкорликнинг жорий ҳолати муҳокама этилди.
Хусусан, томонлар Хитой – Қирғизистон – Ўзбекистон темир йўли қурилиши лойиҳаси ҳамда мазкур йўл қуриб битказилгунга қадар, Қашғар – Иркештом – Ўш мултимодал йўлаги орқали юк ташувларини ривожлантириш бўйича биргаликдаги саъй-ҳаракатларни амалга ошириш юзасидан фикр алмашди.
Давлатимиз раҳбарининг мамлакатимизда туризмни янада ривожлантириш, айниқса, Бўстонлиқ туманинг сўлим гўшаларига ташриф буюрувчиларга, сайёҳларга транспорт хизматларидан фойдаланишлари учун қулайлик яратиш борасида берган топшириқлари ижросини таъминлаш мақсадида, айни кунда “Ўзбекистон темир йўллари” АЖ томонидан бир қатор ишлар амалга оширилмоқда.
Шу йилнинг 23 январ куни Тошкент вилоятининг Паркент туманида “Байтқўрғон – Паркент“ оралиғида электрлаштирилган темир йўл линиясининг қурилиши бошланишига бағишланган тадбир бўлиб ўтди.
Темир йўл транспорти соҳасидаги мавжуд камчиликларни бартараф этиш мақсадида “Темир йўл транспорти тўғрисида”ги қонун қабул қилинди. Мазкур қонун жорий йил 1 январдан кучга кирди.
