«Казинформ» халқаро ахборот агентлиги маълумотларига кўра, янги темир йўл линиясининг қурилиши мавжуд Сариоғаш-Тошкент участкасидан юкларни янги тармоққа йўналтириш, Сариоғаш станциясини енгиллаштириш ва экспорт жўнатмаларини ошириш имконини яратади, деб хабар беради «Дунё» АА.

«Мазкур режани татбиқ қилиш мақсадида «Самрұқ-Қазына» фондининг «Қазақстан темір жолы» (ҚТЖ) портфель компанияси томонидан қиймати 286 миллиард тенге ($1 – 523,95 тенге) бўлган инвестиция лойиҳаси амалга ошириляпти, - деб ёзади Агентлик ҚТЖ матбуот хизмати маълумотига таяниб. - Бугунги кунга қадар 203 километрлик темир йўлнинг 100 километрга яқин қисми йиғилиб, лойиҳани амалга ошириш учун 46 бирлик йўл қурилиш техникаси ва 70 дан ортиқ киши жалб этилган».