Шу йилнинг 13 апрел куни Ўзбекистон терма жамоаси БАА га қарши тўп сурди. Ушбу учрашувда терма жамоамиз БАА терма жамоаси устидан 3:1 ҳисобда ғалабага эришди.
Учрашувнинг биринчи бўлимида дубль қайд этган Асилбек Алиев учрашувнинг 14-дақиқасидаёқ 25 метрли жарима зарбасидан унумли фойдаланиб, ҳисобни очди.
35-дақиқада Алиев чап қанотдан Сайфиддин Содиқовнинг узатмасини голга айлантирган бўлса, бўлим сўнгида Содиқовнинг ўзи пенальтини аниқ амалга ошириб, ҳисобни 3:0 кўринишига келтирди.
Танаффусдан сўнг БАА терма жамоаси 66-дақиқада битта тўп киритди — Муҳаммад Бути Альмарар стандарт вазиятдан сўнг гол урди. Аммо бу ўйинни ўзгартириш учун етарли бўлмади.
Шу тариқа Ўзбекистон БАА терма жамоалари ўртасида кечган учрашувда Ўзбекистон терма жамоаси БААни 3:1 ҳисобда мағлуб этиб, U-17 Осиё кубоги ярим финалига йўл олди.
Финал йўлланмаси учун баҳс шу йилнинг 17 апрель куни бўлиб ўтади.
