Мулоқот чоғида Ўзбeкистон ва Швейцария ўртасида ишлаб чиқилаётган икки томонлама ҳужжатлар, шунингдек, бўлғуси юқори даражадаги ташрифлар доирасида имзоланиши мумкин бўлган битимлар юзасидан ўзаро фикр алмашилди.
Томонлар уларни кўриб чиқишни тезлаштириш тўғрисида келишиб олдилар.
Учрашувда, шунингдек, Ўзбекистон -Швейцария ҳамкорлигининг шартномавий-ҳуқуқий базасини такомиллаштириш мақсадида иқлим ўзгариши, «яшил» энергетика, туризм, қишлоқ хўжалиги, сертификатлаштириш, ҳуқуқий ёрдам, «ақлли шаҳар» бошқаруви, сунъий интеллект каби истиқболли соҳаларда икки томонлама халқаро шартнома ва ҳужжатларни ишлаб чиқиш ҳамда имзолаш масалалари ҳам муҳокама этилди, деб хабар беради «Дунё» АА.