Бу ҳақда Ўзбек Миллий Академик драма театри маълум қилди.

Ёқуб Аҳмедов 1938 йил 3 январда Наманган шаҳрида туғилган. А.Островский номидаги Тошкент театр ва рассомчилик санъати институтини тамомлаган. 1958 йилдан бошлаб Ҳамза номидаги Ўзбек давлят (ҳозирги Ўзбек Миллий) академик драма театрида актёр, кейинчалик театр директори лавозимларида фаолият олиб борган.

У элликдан ортиқ спектаклларда асосий ролларни маҳорат билан талқин этган, театр санъатининг ривожланишига катта ҳисса қўшган. Шунингдек, у кўплаб филмларда суратга тушиган ва дубляж устаси сифатида ҳам танилган.

Миллий театр санъати ривожига улкан ҳисса қўшган Ёқуб Аҳмедов ўзининг юксак маҳоратли роллари, бетакрор овози ва юксак инсоний фазилатлари билан мухлислар қалбидан чуқур жой олган эди. Унинг ижоди бутун бир авлод актёрлари учун мактаб бўлиб хизмат қилган.

Yuz.uz жамоаси марҳумнинг оила аъзолари ва яқинларига чуқур ҳамдардлик билдиради.