Эркаклар ўртасида -80 кг вазн тоифасида Асад Тоштемиров олтин, -70 кг вазн тоифасида Жавоҳир Алиқулов кумуш медални қўлга киритди.
Мусобақанинг дастлабки кунида аёллар ўртасида -47 кг вазн тоифасида Зиёда Исоқова олтин, эркаклар ўртасида -58 кг вазн тоифасида Лутфулло Қодиров бронза медалига эга чиққан эди.
Шу тариқа 2 та олтин, 1 та кумуш ва 1 та бронза, жами 4 та медаль қўлга киритган терма жамоамиз сайёрамизнинг 72 давлати иштирок этган дунё биринчилигида умумжамоа ҳисобида 1-ўринни қўлга киритиб, тарихий натижани қайд этди.
Яна бир эътиборли жиҳати, терма жамоамиз мураббийи Бобур Қўзиев жаҳон чемпионатининг энг яхши мураббийи деб топилди ва махсус кубок билан тақдирланди.
