Юк машинаси ҳайдовчиси тан жароҳати олди, деб хабар берди Свердловск темир йўли матбуот хизмати.
“Бугун, 2 август куни маҳаллий вақт билан соат 07:35 да (Москва вақти билан 05:35) Свердловск темир йўлининг Европа – Усть-Тискос қисмида юк машинаси ҳайдовчиси яқинлашиб келаётган 11-сонли Новий Уренгой – Москва поезди олдига, чорраҳадан ташқаридаги темир йўл рельсларига чиқиб кетди. 11-сонли Новий Уренгой – Москва поезди машинисти фавқулодда тормозни қўллаган, бироқ масофа етарли бўлмаган ва дастлабки маълумотларга кўра, йўл-транспорт ҳодисаси оқибатида автомашина ҳайдовчиси жароҳатланган”, дея хабар берди Свердловск темир йўллари.
Йўловчилар ва локомотив экипажи тиббий ёрдамга мурожаат қилмади.
Темир йўл компаниянинг маълум қилишларича, вагонлар рельсдан чиқиб кетмади. Воқеа жойига Чусовская станциясидан қутқарув поезди жўнатилди. Ушбу участкада поездлар ҳаракати тўхтатилди.
Воқеа ҳолатларига ойдинлик киритиш учун ҳудудда Свердловск темир йўли бошлиғининг биринчи ўринбосари бошчилигида тезкор штаб тузилди. Урал транспорт прокуратураси ҳам йўл-транспорт ҳодисаси юзасидан терговни ташкил қилди. Бошқарма маълумотларига кўра, ҳодисага дастлабки сабаб сифатида автомобиль ҳайдовчиси томонидан йўл ҳаракати қоидаларини бузганлиги кўрсатилмоқда. У поезд йўқлигига ишонч ҳосил қилмай, темир йўл рельсларига чиқиб кетган, деб хабар беради tass.ru.
