Харитада Узоқ Шарқни Европа билан боғлаган йўл — Буюк Ипак йўли тасвирланган.
Савдогарлар бу йўллардан фақат ипак-шойи эмас, балки бошқа кўплаб қимматбаҳо молларни ташиганлар.
Хитой шойиси уни сотиб олишга қурби етадиганлар орасида алоҳида эътибор топган. Шойи матолар парчалари Афинадаги VI асрга оид қабрлардан, Германиядаги темир даврига оид қабрлардан ҳам топилган.
Римликлар зеб-зийнат буюмларини кўп миқдорда сотиб олишарди. I асрда римлик тарихчи Катта Плиний ёзган: «Ҳиндистон, Хитой ва араб мамлакатлари ҳар йили империямиздан катта миқдордаги пулни олиб кетишади — зеб-зийнатлар ва аёлларимиз бизга жуда қимматга тушади».
Савдо йўлида ҳаракат икки томонлама эди. Римликлар зеб-зийнат буюмлари ўрнига Шарққа олтин ва кумуш тангалар, сопол буюмлар, қимматбаҳо тошлар юборишган.
