Бу ҳақда Ички ишлар вазирлиги Жамоат хавфсизлиги департаменти Йўл ҳаракати хавфсизлик хизмати хабар берди.
Шу йилнинг 31 июль куни соат 16:00 ларда А-373 Тошкент—Ўш автомобиль йўлининг 242 километрида Тошкент—водий йўналишида ҳаракатланган юк машинаси бошқарувни йўқотиб, йўл ўртасидаги бетон тўсиққа урилган ва қарама-қарши йўналишга ўтиб кетиб, "Cobalt" ва "Matiz" автомобиллари билан тўқнашиб кетиши оқибатида йўл-транспорт ҳодисаси содир бўлди.
Ҳодиса оқибатида "Matiz" ва юк машинаси жарликка тушиб кетди. Икки нафар фуқаро воқеа жойида ҳалок бўлган.
Ҳозирда тегишли ташкилот ходимлари томонидан суриштирув ишлари олиб борилмоқда.
