Президентлар дастлаб миллий таомлар намуналарини кўздан кечирди.

Сўнг Марказий Осиё мамлакатлари санъат усталари иштирокида тантанали концерт дастури бўлди. Фольклор-этнографик ансамбллар ва эстрада хонандаларининг чиқишлари замонавий саҳна безаклари билан уйғунлашиб, ажиб манзара ҳосил қилди. Миллий куй-қўшиқ ва рақслар халқларимиз бирлиги, маданий яқинлигини яққол намоён этди.

Марказий Осиё давлат раҳбарлари маслаҳат учрашувининг навбатдаги йиғилиши доирасида ўтказилган ушбу тадбирлар, шунингдек, етакчи аёллар мулоқоти ва минтақа Иқтисодий форуми Президентимиз ташаббуси билан ташкил топган саммитнинг янги босқичга чиққанидан далолат беради.