Қозоғистон Президенти Қасим-Жомарт Тоқаев Каспий денгизининг саёзлашиши ўнглаб бўлмас ҳолатга келиб қолиши ва жиддий оқибатлар занжирини келтириб чиқариши мумкинлиги ҳақида огоҳлантирди, деб хабар берди tass.ru.
“Каспий денгизига келсак, ҳозирги саёзлашиш суръати билан бу хавфли жараён ўнглаб бўлмас бўлиб қолиши мумкин, бу муқаррар равишда экологик, ижтимоий-иқтисодий ва ҳатто сиёсий оқибатларнинг занжирли реакциясини келтириб чиқаради. Қозоғистон экотизимнинг йўқ қилиниши ва Каспий денгизининг саёзлашишининг олдини олишга қаратилган махсус давлатлараро дастурни ишлаб чиқишни бошлади”, деди у Ашхободдаги Халқаро тинчлик ва ишонч форумида сўзга чиқиб.
Қосим-Жомарт Тоқаев бутун халқаро ҳамжамиятни Каспий денгизини сақлаб қолиш бўйича саъй-ҳаракатларни қўллаб-қувватлашга чақирди. “Умуман олганда, менинг фикримча, сув дипломатияси яқин давлатлараро мувофиқлаштиришни талаб қилади. Мавжуд халқаро институтлар тор ваколатлар доирасида, парчаланиб ишлашга мойил, бу эса тобора ортиб бораётган сув муаммолари кўламига мос келмайди”, деди Президент.
