Вазирлар Маҳкамасининг «Болаларни давлат мактабгача таълим ташкилотларига қабул қилиш бўйича давлат хизматлари кўрсатишнинг маъмурий регламентини тасдиқлаш тўғрисида»ги қарорига кўра, қуйидагиларга мактабгача таълим ташкилотларига навбатга қўйишда имтиёзлар белгиланган:

• I ва II гуруҳ ногиронлиги бўлган шахсларнинг болалари;
• кўп болали оилаларнинг болалари;
• етим болалар ёки ота-онасининг қаровисиз қолган болалар;
• «Аёллар дафтари»га киритилган ижтимоий ҳимояга муҳтож ёлғиз аёлларнинг болалари;
• контракт бўйича ҳарбий хизматчиларнинг ва ички ишлар органлари ходимларининг болалари;
• талабалар ва педагогларнинг болалари;
• акалари ёки опалари ушбу муассасанинг тарбияланувчилари жумласидан бўлган болалар.

Шунингдек, кўп тармоқли ихтисослаштирилган мактабгача ташкилотлардан умумий турдаги мактабгача ташкилотларга ўтказилаётган соғайган болалар ҳам имтиёзли тарзда мактабгача таълим муассасасига навбатга қўйилади.