Қадим замонлардан қорақалпоқ ўтовларини жигарранг, пушти, оч яшил ва сариқ ранглар уйғунлашган кигиз, гиламчалар билан безатиш урф бўлган.

Гиламлар нақшлари ниҳоятда хилма-хиллиги билан эътиборни тортган.

Қадимги гиламчи ҳунармандлар 60 дан ортиқ нақшларни ишлатишган ва бу нақшлар антиқа номларга эга бўлган. Масалан, қўс мўйиз (жуфт шох); сегиз мўйиз (саккиз шох); тоқалақ мўйиз (чопилган шох); жўмалак мўйиз (ўралган, думалоқ шох).

Нақшларда бошқа безаклар ҳам тез-тез учрайди, уларнинг номлари ҳайвонот ва ўсимликлар дунёси, кийим-кечак, уй-рўзғор буюмлари билан боғлиқ.