Ёши 60 га яқинлашган икки нафар фарзанди бор М.Э. арзимаган 400 000 сўм эвазига ўзининг яшаш хонадонидан қўшмачилик мақсадида фойдаланиб келгани аниқланди. У Жиноят ишлари бўйича Бешариқ туман судининг ҳукми билан Жиноят Кодексининг 131-моддасида кўрсатилган, яъни «Қўшмачилик қилиш ёки фоҳишахона сақлаш» жиноятини содир этганликда айбланиб, унга нисбатан базавий ҳисоблаш миқдорининг 25 баробари миқдорида 8 500 000 сўм жиноий жарима жазоси тайинланди. Жиноий жаримани ундириш бюронинг Фурқат туман бўлими иш юритувига келиб тушган.
Бу аёл 2023 йилнинг август ойида ҳам худди шу каби жиноятни содир этганликда айбланиб, унга 120 соат мажбурий жамоат ишлари жазоси тайинланган экан.
Бўлим давлат ижрочиси томонидан М.Э.га белгиланган жиноий жаримани Ўзбекистон Республикасининг «Суд ҳужжатлари ва бошқа органлар ҳужжатларини ижро этиш тўғрисида»ги Қонуни талабларига асосан белгиланган муддатда тўлаши лозимлиги огоҳлантиришига қарамай М.Э. давлат ижрочисидан 3 ойдан ортиқ муддат давомида қочиб жаримани тўламасдан келган.
Шундан сўнг, Ўзбекистон Республикасининг «Суд ҳужжатлари ва бошқа органлар ҳужжатларини ижро этиш тўғрисида»ги Қонунининг 32-1-моддаси тартибида ЖКнинг 44-моддасига асосан жиноий жарима жазо турини бошқа жазо турига алмаштириш юзасидан Фурқат туман ЖИБ судига тақдимнома киритилди ва суд жиноий жарима жазосини озодликдан чеклаш жазо турига алмаштирилди.
