Учрашув доирасида Ўзбекистон Республикаси ҳудудида интенсив мева-сабзавотчиликни ривожлантириш соҳасига Қозоғистон инвестицияларини жалб этиш масалалари муҳокама этилди.
Музокаралар якунида интенсив мева-сабзавотчиликни ривожлантириш йўналишида таклиф этилаётган лойиҳаларни батафсил ўрганиш учун ишчи гуруҳини ташкил этишга келишиб олинди.
Ташриф доирасида Қозоғистон делегацияси вакиллари, шунингдек, Тошкент вилоятидаги «Golden Dried Fruits» компанияси фаолияти, «TNA-Agroinvest» корхонасидаги помидор етиштириш жараёни билан яқиндан танишди.
Бундан ташқари, қозоғистонлик меҳмонлар Самарқанд вилоятидаги боғ плантациялари ҳамда экспорт маҳсулотларини етказиб беришга ихтисослашган қайта ишлаш корхоналарида бўлди, деб хабар беради Қишлоқ хўжалиги вазирлиги матбуот хизмати.