Бу ҳақда ИИВ ТҚБ Киберхавфсизлик маркази Матбуот хизмати хабар берди.
Маълум бўлишича, тезкор-қидирув хизмати Киберхавфсизлик бўлинмалари ходимлари томонидан ўтказилган тезкор-қидирув тадбирлари натижасида, мазкур жиноятни Қашқадарё вилояти Қарши шаҳрида яшовчи 35 ёшли Н.Ж. содир этганлиги аниқланган.
Гумонланувчи сифатида тергов органларига жалб этилган Н.Ж. аслида киракашлик билан шуғулланиши маълум бўлди. У жабрланувчи Г.С.ни бир неча бор уйига олиб бориб қўйиш орқали у билан танишиб олган.
Гумонланувчи Н.Ж., жабрланувчи Г.С. билан маълум вақт ишқий муносабатда бўлиб келган ва унинг турли беҳаё фотосуратларини қўлга киритиб, ижтимоий тармоқларда тарқатиб юбормаслик эвазига 2 800 000 сўмлик телефон қурилмаси ёки ушбу телефон қурилмасининг пулини талаб қилиб, мазкур пулларни олаётган вақтида Тезкор-қидирув хизмати Киберхавфсизлик бўлинмалари томонидан ашёвий далил билан ушланиб, тегишли тартибда ҳужжатлар расмийлаштирилган.
Мазкур ҳолат юзасидан Н.Ж.га нисбатан ЖКнинг 165-моддаси 2-қисми билан жиноят иши қўзғатилган.