Заргарлик буюмлари мамлакат шимоли-шарқидаги Тургау кантонида аниқланган.

Қадимий буюмлар тахминан милоддан аввалги 1500 йилларга тегишли. Заргарлик буюмлардан ташқари қундуз тиши, тешилган айиқ тиши, ўқ учи, тоғ хрусталининг, сайқалланган темир рудасининг бир нечта бўлаги, кичик аммонит ва тошга айланган акула тиши топилди.

Хазина маҳаллий ҳаваскор археолог Франц Зан томонидан аниқланган. У сабзи йиғиб олинган далада кезиб юрган пайтида, ҳайдалган ерда бир нечта бронзадан ясалган дискларга кўзи тушган. Эркак дарров бу ашёлар тарихий аҳамиятга эга эканлигини англаб етган ва кантоннинг Археология идорасига хабар берган.

Воқеа жойига мутахассислар етиб келиб, қазиш ишларини олиб боришди. Улар дафн белгилари йўқлигига ишонч ҳосил қилишди. Хазина, эҳтимол, сандиқ ёки қопда яширинган бўлиб, у аллақачон бутунлай парчаланиб кетган.

Топилмалардан бронза даврида “бижутерия” сифатида, ҳайвонларнинг тишларидан эҳтимол тумор ўрнида фойдаланилган, деб хабар беради mir24.tv.