Унинг очилишига бағишланган тадбирда вилоят ҳокими Акмалжон Махмудалиев иштирок этиб, юқори маошли IT касбларни эгаллаш эвазига ёшларнинг бандлигини ошириш устувор йўналишлардан бири эканини таъкидлади. Марказ раҳбарига “IT Park резиденти” гувоҳномаси топширилди.
Ҳозирда бу ерда 6 нафар йигит-қиз иш билан таъминланган. Келгусида уларнинг сонини 50 нафарга етказиш режалаштирилган. Йил якунига қадар IT хизматлар кўрсатиш ҳажмини 100 минг долларга етказиш кўзда тутилган
Шу ернинг ўзида IT-парк резидентлари, ахборот технологиялари соҳасида фаолият олиб бораётган ёшлар билан мулоқот бўлди. Улар ўзларининг фаолиятлари, янги лойиҳалари ҳақида сўзлаб берди. Вилоят ҳокими ёшларнинг фикрларини эшитиб, таклифларини қўллаб-қувватлашга тайёрлигини билдирди, деб хабар беради Сирдарё вилоят ҳокимлиги матбуот хизмати.
