Дастур давлат тиббий суғуртаси механизмларини татбиқ этишда аҳолини зарур дори воситалардан фойдаланиш имкониятини ошириш мақсадида жорий элиляпти. У беморга оилавий шифокор ёзган электрон рецепт асосида дорихонадан дори воситаларини бепул олиш имконини беради.
Ҳозирда Сирдарё вилоятида тажриба-синов тариқасида артериал гипертония, юрак ишемик касаллиги, қандли диабетнинг 2-тури, бронхиал астма ва ўпканинг сурункали обструктив касалликларини амбулатор шароитда даволаш учун 11 турдаги дори воситаси киритилган.
Жамғарма вилоятдаги дорихоналар билан шартномалар тузди. Ховосда “Yagona-farm”, Сайхунободда “Health plus”, Гулистон шаҳрида “Zoxirbek biznes”, Боёвут туманида “Medicinae-999” хусусий дорихонаси шулар жумласидан. Улар “Д” ҳисобда турадиган беморларга оила шифокори ёзган электрон рецепт асосида дори бериш учун электрон тизимига уланди.
