Сирдарё вилоят физиотерапия ва пульмонология марказига АҚШ Халқаро тараққиёт агентлиги (USAID) томонидан 44 минг долларлик 42 турдаги замонавий тиббиёт ускуналари ҳамда 2 058 килограмм озиқ-овқат маҳсулотлар жамланмаси келтирилди.
Гуманитар ёрдам тарзида келтирилган тиббий жиҳозлар вилоятдаги 12 та туман ва шаҳар шифохоналарига тақдим этилиб, сил ва сил касаллиги билан касалланган беморларни даволашда қўлланилса, озиқ-овқат маҳсулотлар яъни витамин ва минераллар билан бойитилиб қуритилган сабзавотлар ва дуккакли маҳсулотлар соғлиқни сақлаш ва ижтимоий ҳимоя объектларида қўлланилади, деб хабар беради Сирдарё вилоят соғлиқни сақлаш бошқармаси матбуот хизмати.
