Коинот кемасининг гумбазли ойнаси орқали олинган видеода экипаж Ернинг қутбларидан бири устидан учиб ўтаётганини кўриш мумкин.
“Dragonдан Ернинг қутб минтақаларининг биринчи кўриниши”, дейилади SpaceX баёнотида.
Экипаж аъзоларидан бири, миссия раҳбари Чун Ван ҳам Антарктиданинг 460 километр баландликдан олинган ақлбовар қилмайдиган сурати билан бўлишди.
“Салом, Антарктида! Олдинги башоратлардан фарқли ўлароқ, 460 километрдан у оддийгина оқ рангда, ҳеч қандай инсон фаолияти кўринмайди”, деб ёзди у.
Fram2 хусусий миссияси 31 март куни Falcon 9 ракетаси орқали учирилган. Crew Dragon Resilience капсуласи бортида тўрт нафар экипаж аъзоси билан қутб орбитасига чиқди. Миссия учун 22 та илмий тажриба режалаштирилган. Улардан бири биринчи марта тортишиш кучи мавжуд бўлмаган шароитида қўзиқоринларни етиштиришга уриниш, шунингдек, микрогравитациянинг одам таянч-ҳаракат тизимига таъсирини ўрганишни ўз ичига олади, деб хабар беради korrespondent.net.
