Бу ҳақда Буюк Британия бош вазирининг идораси баёнотида айтилади.
“Бош вазир Стармер Исроилнинг Ливан билан шимолий чегарасидаги вазият катта ташвиш уйғотаётганини ва барча томонлар эҳтиёткорлик билан ҳаракат қилиши кераклигини айтди”, дейилади хабарда.
Стармер, шунингдек, “таҳдидларнинг олдини олиш учун Лондон Исроил билан ҳамкорликни давом эттириши”ни маълум қилди.
Стармер Ғазо секторидаги вазият ҳақида гапирар экан, “ўт очишни тўхтатиш, гаровга олинганларни қайтариш ва тинч аҳолига етказиладиган гуманитар ёрдам ҳажмини ошириш” зарурлигига ишора қилди. Унинг қўшимча қилишича, Яқин Шарқдаги можарони ҳал қилиш икки давлатнинг ёнма-ён яшаши тамойилига асосланиши керак, деб хабар беради report.az.
