Кеча БААда таэквондо бўйича “Fujairah Open-2023” мусобақаси старт олди. Турнирда 34 давлатдан келган 405 спортчи даянга чиқди. Дастлабки кунда катталар тоифасида ғолиб ва совриндорлар аниқланди.
Ёшлар сиёсати ва спорт вазирлиги хабарига кўра, Ўзбекистон таэквондо терма жамоаси аъзолари мусобақаларда 6 та олтин, 2 та кумуш ва 1 та бронза, жами 9 та медални қўлга киритди. Эътирофли жиҳатии, Ўзбекистон таэквондо терма жамоаси ўз тарихида илк бор битта мусобақада 6 та олтин медалга эга чиқиб, олдинги натижаларини яхшилади.
Мусобақада ғолиб бўлган спортчилар рўйхати билан қуйида танишишингиз мумкин:
Олтин:
Мадинабону Маннопова, Феруза Садикова, Светлана Осипова, Омонжон Отажонов, Улуғбек Рашитов, Никита Рафалович.
Кумуш:
Нажмиддин Қосимхўжаев, Озода Собиржонова
Бронза:
Нияз Пўлатов.
