Тезкор-қидирув хизмати Киберхавфсизлик бўлинмалари томонидан ўтказилган тезкор-қидирув тадбирлари натижасида, мазкур жиноятни Андижон вилояти, Андижон шаҳрида яшовчи муқаддам ЖКнинг 168-моддаси билан судланган 59 ёшли А.У. содир этганлиги аниқланган.
Гумонланувчи сифатида тергов органларига жалб этилган А.У., Ш.Ш. билан “Телеграм” мессенжерининг “Kiyim-kechaklar” каналида танишиб, Ш.Ш.га ўзини канал админи сифатида таништирган ва уни алдаб, танланган кийим-кечаклар учун етказиб бериш хизмати мавжудлигини айтиб, олдиндан 460.000 сўм миқдордаги пулларни бошланғич тўлов сифатида ўзининг фойдаланувида бўлган банк картасига ўтказиб олгандан сўнг ёзишмаларни ўчириб юборган ва келишувга кўра, кийим-кечаклар етказиб берилмаганлиги маълум бўлди.
Мазкур ҳолат юзасидан Ўзбекистон Республикаси ЖКнинг 168-моддаси 3-қисми "б,г" қисми билан жиноят иши қўзғатилиб, А.У.нинг содир этилиб, фош этилмай қолган бошқа шу турдаги жиноятларга алоқадорлигини текшириш мақсадида тергов, тезкор-қидирув ҳаракатлари давом эттирилмоқда.
Қонунга мувофиқ, Ўзбекистон Республикаси Жиноят кодексининг 168-моддаси 3-қисми "б,г" қисмидаги жиноий хатти-ҳаракатлар учун 5 йилдан 8 йилгача озодликдан маҳрум қилиш жазоси назарда тутилган.