Тошлоқ туманидаги Фурқат маҳалла фуқаролар йиғини ҳудудида жойлашган 2-ихтисослашган умумтаълим мактабида Тиббиёт ходимлари куни муносабати билан туман ҳокимлиги, туман тиббиёт бирлашмаси ва Ўзбекистон ХДП туман ташкилоти ҳамкорлигида маънавий-маърифий тадбир ташкил этилди.
Мазкур тадбирда Ўзбекистон ХДП туман ташкилоти раиси Турсунбой Солиев, туман тиббиёт бирлашмаси бош шифокори Акмалжон Шерматовлар сўзга чиқиб, соҳа ходимларини яқинлашиб келаётган байрам билан самимий муборакбод этишди. Тиббиёт соҳасида эришилган ютуқлар ва соҳа ходимлари халқимиз саломатлиги йўлида самарали меҳнат қилиши учун давлатимиз томонидан яратиб берилаётган имтиёз ва шароитлар ҳақида маълумотлар берилди.
Фаоллар фахрий ёрлиқлар, қимматбаҳо совғалар билан тақдирланди.
