Бу ҳақда маҳаллий ОАВлар хабар бермоқда.
“АҚШда TikTokни тақиқловчи қонун кучга кирди. Афсуски, бу сиз ҳали TikTokдан фойдалана олмаслигингизни англатади”, дейилади иловага киришга ҳаракат қилинганда.
Хизмат Apple иловалар дўконидаги қидирув натижаларида ҳам кўринмайди. Хизматни Google Play иловалар дўконида юклаб олиш мумкин, бироқ ўрнатилгандан сўнг дастур ишламайди.
Хизмат билдиришномада қайд этилишича, АҚШнинг сайланган Президенти Дональд Трамп унинг фаолиятини тиклаш учун ечим топишга ваъда берган. Аввалроқ республикачи NBC News телеканалига берган интервьюсида 20 январдаги инаугурациядан сўнг дарҳол TikTokни тақиқлашни 90 кунга кечиктириш тўғрисида буйруқ чиқаришга интилаётганини айтганди. Илова АҚШнинг Шарқий соҳилида ярим тундан бир соат олдин ишламай қолди. Шу билан бирга, Американинг баъзи ҳудудларида, шу жумладан Пуерто-Рикода ҳам тақиқ кучга кирадиган кун аллақачон етиб келди, деб хабар беради report.az.
