Ўтказилган рейд тадбири давомида Тошкент вилояти Юқори Чирчиқ тумани Файзиобод маҳалласи ҳудудидан ўтувчи автомобиль йўли четида мавжуд бўлган кўп йиллик 3 туп чинор дарахти номаълум шахслар томонидан кесиб кетилганлиги аниқланган.

Дастлабки ҳисоб-китобларга кўра, ўсимлик дунёсига етказилган зарар 144 млн 915 минг сўм ташкил этмоқда.

Ҳозирда ушбу ҳолат ким томонидан содир этилганлиги бўйича ўрганиш ва суриштирув ишлари олиб борилмоқда.