Учрашувда Тошкент шаҳар ҳокимлиги вакиллари ва TPO бош котиби Тошкентнинг туризм ресурслари ва салоҳиятини ошириш бўйича муҳим масалаларни муҳокама қилдилар.
Жаноб Ву Ҳа Кёнг Тошкентнинг бой туризм ресурслари ва имкониятларини юқори баҳолаб, Тошкент шаҳрини TPO ташкилотига аъзо бўлишга таклиф қилди.
Учрашув давомида Тошкент шаҳар ҳокимлиги вакиллари шаҳарни туризм марказига айлантириш бўйича режалари ва лойиҳалари ҳақида маълумот бердилар. Шунингдек, улар TPO билан ҳамкорликда амалга оширилиши мумкин бўлган лойиҳалар ва ташаббуслар ҳақида фикр алмашдилар, деб хабар беради Тошкент шаҳар ҳокимлиги матбуот хизмати.
