Жорий йил 6 июнда Хитойнинг «YTO Cargo Airlines» юк авиакомпанияси Йининг – Тошкент йўналиши бўйича илк мунтазам парвозини амалга оширди.
Хитойнинг «Comac» ишлаб чиқарувчисининг ARJ21-700 самолёти маҳаллий вақт билан соат 17:02 да Тошкент халқаро аэропортига қўнди. Анъанага кўра, самолёт сув аркаси билан кутиб олинди, деб хабар беради Uzbekistan Airports.
Аввалроқ «YTO Cargo Airlines» авиакомпанияси Boeing 757 самолётларида Тошкентга юк чартер рейсларини амалга оширган эди.
«YTO Cargo Airlines» Хитойнинг юк ташувчи авиакомпанияси бўлиб, бош қароргоҳи Ханчжоуда жойлашган.
Ҳукумат қарори (373-сон, 02.07.2024 й.) билан “Қишлоқ хўжалиги субъектларига қишлоқ хўжалиги экинлари ҳосилини суғурталашда суғурта мукофоти учун тўлов харажатларининг бир қисмини қоплаш тартиби тўғрисида”ги низом тасдиқланди.
Жорий йил 3 июлда Ўзбекистон Республикаси инвестициялар, саноат ва савдо вазири Лазиз Кудратов Афғонистон саноат ва савдо вазири Нуриддин Азизий бошчилигида Афғонистон делегациясининг мамлакатимизга ташрифи доирасида Тошкент шаҳрида бўлиб ўтган Ўзбекистон -Афғонистон бизнес-форумида иштирок этди.
Сенатнинг Халқаро муносабатлар, ташқи иқтисодий алоқалар, хорижий инвестициялар ва туризм масалалари қўмитаси раиси Р. Алимов бошчилигидаги Ўзбекистон Республикаси Олий Мажлиси делегацияси Бухарест (Руминия)да бўлиб ўтаётган ЕХҲТ Парламент Ассамблеясининг ёзги сессиясида иштирок этяпти.
