Қайд этилишича, йилнинг 21 апрель куни Мирзо Улуғбек туманида жойлашган мактабларнинг бирида, вояга етмаган 2007 йилда туғилган Р.С. ҳамда шу мактаб ўқувчиси вояга етмаган 2007 йилда туғилган А.И. тортишиб ўзаро жанжаллашиб кетган.
Маълумотларга кўра, жанжал вақтида вояга етмаган А.И. вояга етмаган Р.С.га тан жароҳати етказган. Натижада жабрланувчи шифохонага ётқизилган. Тан жароҳати оғирлик даражасини аниқлаш мақсадида судга оид тиббий экспертиза тайинланган.
Мазкур ҳолат юзасидан Мирзо Улуғбек тумани ИИО ФМБ томонидан терговга қадар текширув ўтказилмоқда, якуни бўйича қонуний қарор қабул қилиниши таъминланади.
