Тошкентдаги омборхонада ёнғин чиқди

    Ҳозирда ёнғинни келтириб чиқарган сабаблар ҳамда етказилган зарар миқдори аниқланмоқда.

    Қайд этилишича, шу йилнинг 14 май куни соат 11:03 да Сергели тумани Нилуфар кўчасида жойлашган омборхонада ёнғин бўлаётгани тўғрисида шаҳар ФВБга мурожаат келиб тушган.

    Келиб тушган хабарга асосан соат 11:05 да 12 та ёнғин-қутқарув экипажи воқеа жойига етиб борган ва ёнғин соат 13:31 да батамом ўчирилган.

    Маълумотларга кўра, ёнғинни бартараф этиш ишлари Фавқулодда вазиятлар вазири Б. Қудратхўжаев ва вазирнинг биринчи ўринбосари С. Зупаровлар бошчилигида амалга оширилган.

    Ҳодиса оқибатида тан жароҳати олганлар тўғрисида маълумот келиб тушмаган.