Тошкент шаҳар Экология бошқармаси Олмазор тумани бўлими инспекторлари “Гуручариқ” маҳалласи хонадонларининг бирида Ўзбекистон Қизил китобига киритилган 1 жуфт Туркистон оқ лайлак сақланаётганини аниқлади.
Ҳолат юзасидан ўрганиш ишлари олиб борилди.
Маълум бўлишича, Фуқаро Б. А. қушларни ўтган йилнинг ёз ойида Сирдарё вилоятида қанотлари синган ҳолда топиб олиб, уларга парвариш қилиб келаётган экан.
Фуқарога ёввойи, шунингдек, Ўзбекистон Қизил китобига киритилган жонзотларни уйда ноқонуний сақлаш мумкин эмаслиги тушунтирилди. Оқ лайлакларб эса табиат бағрига қўйиб юборилди.
