Трамп АҚШ Ички хавфсизлик вазирлиги, шунингдек, Адлия вазирлиги ва Давлат департаментига мамлакатга жанубий чегара орқали кираётган ноқонуний муҳожирларни чиқариб юбориш учун барча чораларни кўришни топширди.
Трамп АҚШга жанубий чегара орқали кирган ноқонуний муҳожирларнинг бошпана излаш баҳонасида мамлакатда қолиш ҳуқуқини ҳам чеклади.
Трамп сайловда ғалаба қозонишидан олдин “жиноятчиларни четлатиш бўйича Америка тарихидаги энг йирик депортация дастурини” ишга туширишга ва буни Оқ уйга қайтишининг биринчи кунидаёқ бошлашга ваъда берган эди. У депортация қилинадиган муҳожирлар сонини 15-20 миллион деб ҳисоблаганди, деб хабар беради rbc.ru.
