Трамп тегишли хабарни Truth Socialда эълон қилди.

“Россия Президенти Путин билан бугунги телефон суҳбатим жуда яхши ва самарали бўлди”, деб ёзди у.

Трамп, шунингдек, Путин билан Россия-Украина можаросини тартибга солиш бўйича келишувлар бандларини муҳокама қилганини айтди, деб хабар беради report.az.

“Тинчлик келишувининг кўплаб жиҳатлари, жумладан, минглаб аскарлар ҳалок бўлаётгани ва Президент Путин ҳам, Президент Владимир Зеленский ҳам бунинг тўхтатилишини хоҳлаётгани муҳокама қилинди”, деб ёзди АҚШ Президенти.

Суҳбатдан сўнг Трамп тўлиқ урушни тўхтатиш режимини жорий этиш бўйича ишлар энди тезлашишини таъкидлади: “Бу жараён ҳозир тўлиқ куч билан ва тўлиқ натижалар билан олиб борилмоқда. Ва биз, умид қиламанки, инсоният учун бу ишни якунлаймиз. Биз тўлиқ ўт очишни тўхтатишга эришиш ва пировардида Россия ва Украина ўртасидаги бу даҳшатли урушни тугатиш учун тезда ҳаракат қилишимизни англаган ҳолда барча энергетика ва инфратузилма объектларида зудлик билан ўт очишни тўхтатишга келишиб олдик”, деб ёзди Америка етакчиси.