Шу кунларда мамлакатимизда “Турк дунёси фотографлари учрашуви” лойиҳаси доирасида маҳоратли фотографлар юртимиз гўшаларида бўлиб турибди.
Халқаро туркий маданият ташкилоти (ТУРКСОЙ)га аъзо давлатларда Ўзбекистоннинг бой маданияти ва туризм имкониятларини кенг тарғиб этиш мақсад қилган фотографлар Самарқандга етиб келишди.
14 та давлатдан келган, нуфузли нашрларда фаолият кўрсатувчи фотографлар ўз медиа материалларида Самарқанднинг тарихий диққатга сазовор ва туристик жойларидан ташқари этнографик анъаналарни ҳам акс эттиришни режалаштирган.
Маълумот учун, фотографлар юртимизнинг барча вилоятларида бўлиши кўзда тутилган.
Турк тилли мамлакатлар учун ягона кино ва медиа платформа яратиш тўғрисидаги резолюция қабул қилинди. Бу ҳақда Миллий кинематографияни ривожлантириш маркази Ахборот хизмати хабар берди.
Бутунжаҳон жамиятининг "Ўзбекистон маданий мероси - янги ренессанс асоси" Влл халқаро конгресси доирасида “Кино олами ва медиа: меросга янгича нигоҳ” конференцияси бўлиб ўтди.
Эътиборлиси, туркий дунё давлатлари ўртасида тарихий шахсларни хотирлаш, хусусан, жорий йилда Абдулла Қодирий таваллудининг 130 йиллигини кенг нишонлашга оид тадбирлар режаси белгиланди.
Ўзбекистондаги Ҳайдар Алиев номидаги Озарбайжон Маданият Маркази 2023 йилнинг яна бир муҳим воқеаси – Шуша шаҳрининг туркий дунёнинг маданий пойтахти деб эълон қилиниши муносабати билан Ўзбекистонда Шушага бағишланган махсус эсдалик почта маркасини чиқариш лойиҳасини амалга оширди.
Ушбу туркумга Ўзбекистон, Туркия, Қозоғистон, Қирғизистон, Озарбайжон, Туркманистон ва Венгрия давлатларидан жами 450 дан зиёд мумтоз ва замонавий шоир, адиб ва мутафаккирларнинг асарлари киритилган.
