Мазкур лойиҳани амалга ошириш бўйича Тоғ-кон саноати ва геология вазирлиги, Олмалиқ кон-металлургия комбинати ҳамда Туркиянинг «Esan Eczacibaşi» компанияси ўртасида 3 томонлама шартнома асосида қўшма корхона ташкил этилади.

Кондан йилига очиқ усулда 500 минг тонна полиметалл руда қазиб олинади.

Шунингдек, лойиҳа доирасида йилига 500 минг тонна рудани қайта ишлашга мўлжалланган замонавий бойитиш фабрикаси қурилади.

Бойитиш фабрикасида йилига 5,4 минг тонна рух концентрати ва 18,4 минг тонна қўрғошин концентрати олинади.

Лойиҳа амалга оширилиши натижасида камида 600 иш ўринлари яратилади.

Маълумот учун: Ҳозирги кунда жаҳон бозорида 1 тонна қўрғошиннинг нархи 2 128 доллар, рухнинг тоннаси эса 2 810,50 долларни ташкил этади.