АҚШ махсус элчиси Стив Уиткофф Россия Президенти Владимир Путин билан сўнгги музокараларини “ишончли” деб атади ва Украина тинчлик келишуви “беш ҳудуд”га тааллуқли эканини айтди. Бу ҳақда 15 апрель, сешанба куни Bloomberg хабар берди.

Унинг сўзларига кўра, Путин билан Украинадаги урушни тугатиш ва, эҳтимол, янги бизнес имкониятларини яратишга олиб келиши мумкин бўлган қадамлар муҳокама қилинган.

Умумий келишувнинг калити, Уиткоффнинг сўзларига кўра, “бешта ҳудуд” атрофида айланади.

Шунингдек, у “Россия ва АҚШ ўртасидаги муносабатларни ўзгартириш имкониятини минтақага ҳақиқий барқарорлик олиб келадиган жуда жозибали тижорат имкониятлари орқали” кўришини қўшимча қилди.

11 апрель куни Стив Уиткофф Владимир Путин билан учрашиш учун Санкт-Петербургга учиб кетган эди. Уларнинг суҳбати тўрт соатдан ортиқ давом этди, деб хабар беради korrespondent.net.