Эроннинг Ғарбий Озарбайжон вилоятидаги Урмия кўли бутунлай қуриб қолди. Бу ҳақда Туркиянинг TRT телеканали хабар берди.
Қайд этилишича, дунёдаги энг йирик тузли кўллардан бири бўлган Урмия кўли қуриб қолгани акс этган сунъий йўлдош тасвирлари Эрон ОАВларида тарқатилган.
Аввалроқ Эрон расмийлари кўрилган чоралар натижа бермаса, ёз охиригача кўл қуриб кетишини маълум қилган эди.
Теҳрон маъмурияти кўлни қайта тиклаш учун бюджети 6 миллиард доллар бўлган йирик экологик лойиҳани бошлаган бўлса-да, мамлакатда давом этаётган қурғоқчилик туфайли кутилган натижага эришилмаган, деб хабар берди report.az.
Грециядаги ғайритабиий юқори ҳарорат ва қурғоқчилик Афинанинг асосий сув омбори бўлган сунъий Морнос кўлида сув сатҳининг сезиларли даражада пасайишига олиб келди.
Замбия, Зимбабве ва Малави бутун экинларни нобуд қилган, камида 20 миллион одамни озиқ-овқатсиз қолдирган кучли қурғоқчилик туфайли миллий фалокат эълон қилди. Бу ҳақда Politico газетаси хабар берди.
