Марказий банкда Хитойнинг энг йирик банки ва дунёнинг йирик ўнта банкларидан бири бўлган Хитой банки (Bank of China) раҳбарияти билан учрашув ўтказилди.
Учрашувда Хитой банки раҳбарияти томонидан Ўзбекистоннинг банк тизими имкониятлари ва унга кириш бўйича қонунчилик ҳужжатларини ўрганишга қизиқиш билдирилди. Ўз навбатида, ушбу масала юзасидан меҳмонларни қизиқтирган саволларга Марказий банк раҳбарияти томонидан батафсил маълумот ва тегишли тушунтиришлар берилди.
Бундан ташқари, томонлар мамлакат молия бозорини ривожлантириш юзасидан ҳамкорликни янада кенгайтириш борасида фикр алмашдилар, деб хабар беради Марказий банк матбуот хизмати.
Вазирлар маҳкамасининг 24.07.2024 йилдаги "Ўзбекистон республикаси соғлиқни сақлаш вазирлиги ҳузуридаги тиббиёт ташкилотларини лицензиялаш ва аккредитациялаш маркази фаолиятини ташкил этиш чора-тадбирлари тўғрисида"ги вмқ-444-сонли қарори қабул қилинди.
Тошкент, Самарқанд ва Жиззах вилоятларида Давлат хавфсизлик хизмати ҳамда Бош прокуратура ҳузуридаги Иқтисодий жиноятларга қарши курашиш департаменти ходимлари ҳамкорлигида чет давлатга ноқонуний одам юбориш ҳолатларини аниқлаш бўйича тезкор рейд тадбирлари ўтказилди.
