Хитойнинг Шаньдун вилоятидаги Shandong Youdao Chemical кимё заводида йирик портлаш содир бўлди. Бу ҳақда 27 май, сешанба куни Reuters агентлиги хабар берди.
Портлаш Вейфан шаҳрида жойлашган корхона устахонасида содир бўлган. Воқеа жойида қутқарувчилар ишламоқда. Ҳалок бўлганлар ва қурбонлар ҳақида ҳозирча маълумот йўқ.
Ижтимоий тармоқларда портлаш овозлари эшитилган, шунингдек, корхона устида қалин қуюқ кулранг тутун ва қўшни уйларда шиша синганлиги акс этган видеолар пайдо бўлди.
Маҳаллий аҳолининг хабар беришича, кучли тебранишлар бўлган, баъзи одамлар биноларни тарк этаётган ёки уй ичида бўлган.
Заводга эгалик қилувчи Himile Group компанияси ҳозирча вазиятга изоҳ бермади. Himile Mechanical шўъба компаниясининг акциялари деярли 4 фоизга арзонлашди.
Shandong Youdao Chemical компанияси 2019 йилда ташкил этилган. Завод пестицидлар, фармацевтика ва оралиқ кимёвий моддалар ишлаб чиқаради. Корхонада 300 киши меҳнат қилади, деб хабар беради korrespondent.net.
