У 2 босқичда ўтказилади. Танловнинг 1-босқичи 2024 йилнинг 5 январидан 15 январига қадар давом этади. Унда фильмнинг адабий сценарийси учун синопсислар танлаб олинади. Синопсисда қуйидаги ғоялар юқори бадиий савияда акс эттирилиши лозим:
- Юртимизда “Инсон қадри учун” тамойили асосида амалга оширилган ислоҳотлар;
- Янги Ўзбекистон даврида амалга оширилаётган иқтисодий, ижтимоий ва сиёсий ислоҳотлар, маънавий, маърифий ва маданий соҳалардаги ижобий ўзгаришлар;
- маҳалланинг жамиятдаги ўрни ва ролини кучайтириш, халқ билан давлат ўртасидаги “кўприк” вазифасини бажарувчи тузилма сифатида ташкил қилиш бўйича амалга оширилаётган ислоҳотлар;
- халқимизнинг ўзига хос урф-одатлари, анъаналари, қадриятлари, эзгу фазилатлари, ёшларни ватанпарварлик руҳида тарбиялашга хизмат қиладиган ибратли ҳаётий сабоқлар;
- “оила – муқаддас”, “кексаларга ҳурмат”, ватанпарварлик, адолат, эзгулик каби қадриятлар.
Танловга тақдим этиладиган синопсислар қуйидаги талабларга мувофиқ бўлиши лозим:
- фильмнинг асосий қаҳрамонлари, уларнинг ўзига хос характери, асосий сюжет линияси, воқеалар, авж нуқтаси ва ечими акс этган бўлиши;
- ўзбек тилида, адабий тил ва имло қоидаларига риоя қилинган ҳолда А4 форматда, 14 шрифтда, 1,5 интервалда ёзилган бўлиб, ҳажми 3-5 саҳифадан иборат бўлиши керак.
Танловнинг 2-босқичи 2024 йилнинг 16 январидан 30 январига қадар давом этади. Унда 1-босқичда танлаб олинган синопсислар асосида кинолойиҳалар танлаб олинади. Кинолойиҳада қуйидаги маълумотлар акс этиши лозим:
- фильмнинг ишчи номи, формати ва умумий ҳажми;
- жанри, аудиторияси;
- тахминий харажатлар сметаси;
- тақдимот (ижодий гуруҳ, актёрлар, локациялар ва бошқа маълумотлар).
Синопсислар ва кинолойиҳалар белгиланган муддатларда танлов иштирокчисининг аризаси, исми-шарифи ва у ҳақида қисқача маълумотни бириктирган ҳолда “Танлов комиссиясига” деб қайд этилган конвертда Кинематография агентлигига тақдим этилиши лозим.
Танловга тақдим этилган синопсислар ва кинолойиҳалар тақриз қилинмайди ва муаллифларга қайтарилмайди.