Ўзбекистон Республикаси Маданият вазирлиги Ёш ижодкорларни қўллаб-қувватлаш ва ахборот-мультимедиа маркази томонидан мустақиллигимизнинг 30 йиллиги муносабати билан ташкил этилган «Янги Ўзбекистонда эркин ва фаровон яшайлик!» қўшиқлар танловининг III (финал) босқичи бўлиб ўтди .
Шу кунга қадар ушбу танловнинг I-босқичида иштирок этган 600 нафар ёш ижодкордан 178 нафари II босқичга ўтган бўлса, шулардан 25 нафари III (финал) босқичида беллашади.
“ZOʼR TV” телеканалида адолатли ва шаффоф тарзда ўтказилган мазкур танлов иштирокчиларининг чиқишларини Ўзбекистон халқ артистлари, Ўзбекистонда хизмат кўрсатган артистлар, тажрибали композитор, мусиқий сайқалчилар, шоир ва санъат соҳасининг етук мутахассислари кузатиб, баҳолаб боради.
Президентимиз Шавкат Мирзиёевнинг таклиф ва ташаббуси билан “Тилда, фикрда, ишда бирлик!” ғоясини ўзига шиор қилиб майдонга кирган адабий, илмий-маърифий ва ижтимоий ҳафталик газетамиз – “Jadid”нинг кечагина юзинчи сони нашрда чиқди.
