Тадбирда институт биринчи проректори Х.Нишонов ҳамда Филология факультети декани Э.Исомиддинов иштирок этиб, ғолиб ва фаол талабаларимизни тантанали равишда тақдирладилар.
Талабаларимиз истеъдоди ва меҳнати қадрланади!
Мазкур маросимда институт раҳбарияти талабаларнинг ижодий қобилиятлари ва меҳнатларини эътироф этиб, уларга янги йилда янада катта марраларга эришиш учун далда берди.
Танловлар қуйидаги йўналишларда ўтказилиб, ғолиблар аниқланган, жами 62 нафар талаба танловлар низомларида кўрсатилган тартибда муносиб тақдирланди:
- «Китоб менинг дўстим» танлови;
- «Ёшлар коррупцияга йўқ дейди» мавзусида «Энг яхши расмлар» танлови;
- «Коррупциядан ҳоли таълим муассасаси» мавзусида «Энг яхши видеороликлар» танлови;
- «Коррупция адолат кушандаси» мавзусида «Энг яхши иншолар» танлови;
- «Заковат» интеллектуал ўйини лигаси Кузги мавсуми ғолиблари;
- «Беш ташаббус олимпиадаси» спорт мусобақаларининг ғолиблари;
- «Универсиада» ҳудудий вилоят босқичи ғолиблари;
- «Учинчи ренессанс ёшлар нигоҳида» танлови;
- «Мирзо Улуғбек ҳаёти ва илмий-маърифий меросини ўрганишга бағишланган энг яхши илмий мақолалар» танлови;
- «Энг ёш дастурчи» танлови;
- «Конституция -эркин ва фаровон ҳаёт гарови» танлови.
Х.Нишонов таъкидлашича, бу каби тадбирлар талабалар ўртасида дўстона муҳитни мустаҳкамлаш ва уларнинг истеъдодларини юзага чиқаришда катта аҳамият касб этади.
Талабаларимизга миннатдорлик билдирамиз!
Сизнинг ижодингиз ва фаоллигингиз институтимизнинг фахридир. Янги йилда барчангизга муваффақиятлар тилаймиз!
Исҳоқхон Ибрат номидаги Наманган давлат чет тиллари институти Ахборот хизмати
