Япониянинг Тошкентдаги элчихонаси биринчи котиби Синтаро Кавасима ва мазкур давлатнинг “JETRO”, “Itochu Corporation”, “Mitsubishi Corporation”, “Sumitomo Corporation”, “Marubeni Corporation”, “Toyota Tsusho Corporation”, “Iryu & Itoga” ва “JOGMEC” каби нуфузли корпорация вакиллари Қашқадарё вилоятида бўлишди.
Бунда томонлар савдо, энергетика, электротехника, геология, кимё, транспорт, туризм, мева-сабзавотларни қайта ишлаш ва хизмат кўрсатиш соҳаларида янги лойиҳаларни амалга ошириш орқали ҳамкорликни янада ривожлантириш юзасидан музокаралар олиб боришди. Вилоятнинг инвестиция салоҳияти ҳақида ҳам батафсил маълумотлар берилди.
