Ҳайдовчилардан об-ҳаво шароити ва йўлнинг ҳолатини инобатга олиб, қоидаларга риоя этган ҳолда, эҳтиёткорлик билан ҳаракатланишларини сўралмоқда.
Қайд этилишича, А373 “Тошкент-Оҳангарон-Ангрен-Қўқон-Шахрихон-Андижон“ автомобиль йўлининг 81—164 км.лар оралиғида қор ёғмоқда. Туман, ҳаво ҳарорати -4 даражани ташкил этмоқда.
“Қамчиқ“ довони орқали ҳаракатланаётган барча ҳайдовчилардан об-ҳаво шароитини инобатга олган ҳолда тезликни меъёрдан оширмасдан, оралиқ масофани сақлаб ҳаракатланиш тавсия қилинмоқда.
«Қамчиқ» довонида об-ҳаво совуши билан бирга қор ёға бошлади. Ҳозирда довон орқали ҳаракат хавфсизлигини таъминлаш мақсадида ФВВ, ЙПХ ва “Қамчиқавтойўл” хизматлари тун-кун демай иш олиб бормоқда.
Фавқулодда вазиятлар вазирлиги йўл транспорт ҳодисалари билан боғлиқ фавқулодда вазиятларнинг олдини олиш мақсадида, довон ҳудудида ҳаракатланишда ҳайдовчилардан барча хавфсизлик чораларини кўришларини сўрамоқда.
