Фавқулодда вазиятлар вазирлигининг маълум қилишича, шу йилнинг 15 апрель куни соат 22:41 да Қамчиқ махсус қидирув, ёнғин қутқарув бошқармаси навбатчилик қисмига ёнғин бўлгани тўғрисида хабар келиб тушган.
Айтилган манзилга соат 22:50 да 2 та экипаж етиб борган, соат 22:53 да ёнғин қуршаб олинган ва соат 23:13 да ёнғин тўлиқ бартараф этилган. Суратда транспортнинг бутунлай ёниб кетганини кўриш мумкин. Ҳозирда унинг сабаби ва моддий зарар миқдори аниқланмоқда.
Ҳодиса оқибатида тан жароҳати олиш ва ҳалок бўлиш ҳолатлари қайд этилмади. Довонда автомобилларнинг икки томонлама ҳаракати давом этмоқда, дейилади хабарда.
