Қайд этилишича, ҳолат шу йилнинг 21 апрель куни соат 09:45 да А-373 “Тошкент-Ўш“ автомобиль йўлининг “Қамчиқ“ довонидан ўтган қисмида содир бўлган.
Маълумотларга кўра, “Тошкент-Водий“ йўналишида ҳаракатланган “Cobalt” русумли автомобиль ҳайдовчиси бошқарувни йўқотиши оқибатида йўлнинг хандақ (кювет) қисмига тушиб кетган.
“Қамчиқ“ махсус-қидирув ёнғин-қутқарув бошқармасига “Cobalt” русумли автомобиль хандаққа тушиб кетгани ва амалий ёрдам кераклиги ҳақида хабар келиб тушган.
Хабарга асосан, қутқарув отряди айтилган манзилга тезкорлик билан етиб борган ва “Cobalt” русумли автомобиль хандақдан олиб чиқилган.
