«Қамчиқ» довонида қор ёғмоқда: фавқулодда хизматлар кучайтирилган тартибда ишлаяпти

ФВВ ахборот хизматининг маълум қилишича, ҳозирги вақтда «Қамчиқ» довонининг юқори қисмида майин қор ёғмоқда. Шу муносабат билан Фавқулодда вазиятлар вазирлиги, Йўл-патруль хизмати ҳамда «Қамчиқавтойўл» ИЙФУК ходимлари ҳамкорлигида йўлни қордaн тозалаш, музламалар ҳосил бўлишининг олдини олиш ва қум-туз аралашмасини сепиш ишлари олиб борилмоқда.

Бундан ташқари, ФВВ қутқарувчилари томонидан назорат тадбирлари ўтказилиб, йўлда қолиб кетган ҳайдовчилар ҳамда уларнинг автотранспорт воситаларига амалий ёрдам кўрсатилмоқда.

Фавқулодда вазиятлар вазирлиги йўл-транспорт ҳодисалари билан боғлиқ фавқулодда ҳолатларнинг олдини олиш мақсадида, довон ҳудудида ҳаракатланишда ҳайдовчиларни барча хавфсизлик қоидаларига қатъий риоя этишга чақириб қолади.

«Қамчиқ» довонида об-ҳаво совуши билан бирга қор ёға бошлади. Ҳозирда довон орқали ҳаракат хавфсизлигини таъминлаш мақсадида ФВВ, ЙПХ ва “Қамчиқавтойўл” хизматлари тун-кун демай иш олиб бормоқда.

ЙТҲ оқибатида юк машина кабинасида қисилиб қолган ҳайдовчи қутқарилди

ФВВ қутқарувчилари томонидан юк машина кабина қисмида қисилиб қолган ҳайдовчи чиқариб олиниб, биринчи ёрдам кўрсатилган ва Поп тумани тиббиёт бирлашмасига жўнатилган.

“Қамчиқ“ довонидан ҳаракатланувчи ҳайдовчилар огоҳлантирилди

Фавқулодда вазиятлар вазирлиги йўл транспорт ҳодисалари билан боғлиқ фавқулодда вазиятларнинг олдини олиш мақсадида, довон ҳудудида ҳаракатланишда ҳайдовчилардан барча хавфсизлик чораларини кўришларини сўрамоқда.

«Қамчиқ» довонида қор ёғмоқда: фавқулодда хизматлар кучайтирилган тартибда ишлаяпти