Товар-моддий бойликларни юк ҳужжатларида қайд этилмаган ҳолда юртимиз ҳудудига олиб кириш ҳолатларини божхоначилар мунтазам тарзда фош этишмоқда.
Жумладан, Тошкент шаҳар божхона бошқармаси “Тошкент-товар” ТИФ божхона пости ходимлари томонидан хориждан келтирилган “шиша фасад” товарлари белгиланган тартибда божхона кўригидан ўтказилди.
Натижада, юк кузатув ҳужжатларида кўрсатилмаган, шиша фасадлар орасига яширилган жами қиймати 53,8 млн. сўмлик 108 дона алькогол маҳсулотлари ҳамда 550 қутида тамаки маҳсулотлари борлиги аниқланди.
Ҳозирда мазкур ҳолат юзасидан суриштирув ишлари олиб борилмоқда.
